Со новото име VDL Bus Macedonia DOOEL, компанијата влегува во нова развојна фаза. Ова не претставува само промена на називот, туку јасен сигнал за стратешко позиционирање во рамки на посилна, поинтегрирана и поиновативна организација.
Нашата компанија станува дел од VDL Bus Group – новоформирана автобуска групација во рамки на холандската VDL Groep, создадена преку интеграцијата на VDL Bus & Coach и Van Hool. Ова обединување внесува нова динамика во автобускиот сектор, комбинирајќи долгогодишно искуство, врвна техничка експертиза и засилено пазарно присуство.
И покрај интеграцијата, двата бренда продолжуваат да се развиваат со својот препознатлив идентитет, обединети околу заедничка визија – создавање модерна, одржлива и ефикасна мобилност.
Производството продолжува во Македонија
Како дел од оваа интегрирана структура, ВДЛ Бус Македонија ДООЕЛ останува значаен сегмент во развојот и производството на автобуси. Производствените активности продолжуваат во фабриката во ТИРЗ Скопје 2, каде и понатаму се произведуваат возила од брендот Van Hool.
Ова обезбедува континуитет во работењето, стабилност за вработените и задржување на индустриското знаење и експертиза во земјата, како и дополнителен придонес кон економскиот развој.
Вредностите на Van Hool
Брендот Van Hool се темели на повеќедецениска традиција, врвен квалитет и индивидуален пристап кон клиентите. Препознатлив е по иновативни решенија, прецизна изработка и способност да понуди производи прилагодени на специфичните потреби на различни пазари. Неговите автобуси се издвојуваат по издржливост, висок квалитет и премиум дизајн.
Насока кон иднината
Стратегијата на VDL Bus Group е насочена кон развој на безбедни, економични и еколошки одржливи транспортни решенија, со цел да се одговори на современите предизвици и растечките потреби за мобилност на глобално ниво. Во центарот на оваа стратегија се луѓето – нивната експертиза, посветеност и способност за соработка.
Два бренда, една визија
- Van Hool – симбол на традиција, квалитет и персонализиран пристап.
- VDL – фокус на одржлив дизајн, ефикасност и оптимизација на трошоци.
Поглед напред
Со новиот идентитет, ВДЛ Бус Македонија ја зацврстува својата позиција како значаен индустриски партнер. Оваа трансформација претставува почеток на ново поглавје – во кое, како дел од поголема групација, продолжуваме заеднички да ја градиме иднината на транспортот и мобилноста.
Leave a Reply